ஆலிங்கனம்

🔘🔘

நான் முடித்த இடத்தில்

நீ துவங்கும் அந்தாதி

முத்தம். ❤



🔘🔘

நீ ஞாபகப்படுத்துவதற்கென்றே,

எதோ ஒன்றை மறந்து தொலைக்கிறேன்

அனுதினமும்.



🔘🔘

குழம்புக் கரண்டியின்
குழிந்த பக்கத்தில்
தலைகீழாய் தெரியும் உலகம்.

குழம்பிப்போய் நிற்கிறேன்.

ஆகாசத்தில் மீன்கள் நீந்திக்கொண்டிருக்கின்றன..

நீலக்கடலில் பறவைகள் பறந்துகொண்டே....



🔘🔘

கட்டங்களுக்குள் சிறைபட்டிருக்கும்
நாட்களின் மீதோ,

வட்டத்திற்குள் அடைபட்டிருக்கும்
நேரங்களின் மீதோ,

எனக்கு நம்பிக்கையில்லை..

ஆதூரமாய் அணைத்து
முகம் பார்த்துச் சிரித்தால் பகல்.

ஆலிங்கனம் செய்தபடி
கண்சொக்கிக் கிடந்தால் இரவு.



🔘🔘

கொல்வதானால்
ஒற்றைச் சிலுவையில்
ஒன்றாய் அறைந்து
கொல்லுங்கள்.

"நச்" சென்று நடுமார்பிலிறங்கும்
ஆணியிலிருந்து
ஒழுகும் ரத்தம் உங்களுக்கு
அமைதியைத் தருவதாக

ஆமென்.!


🔘🔘