டார்லிங்கு டம்பக்கு

😍

"உன் முகத்தைப் பார்த்தால்,
திட்டக்கூடத் தோணலை"-என்றால்,

திரும்பி நின்று "இப்போ திட்டு"-என்கிறான்.

திரும்பி நின்று சிரிக்கத்தான் தோன்றுகிறது.!


😍

கோபம் முற்றி

"போடா..
உனக்கு அசிங்கமான
பொண்ணுதான் கிடைப்பா.,"

என செல்லச் சாபமிட்டால்.,

"உன்ன விட அசிங்கமான பொண்ணுக்கு
நா எங்க போறது.?" என்று

மீண்டும் கோபமேற்றுகிறான்.!


😍

இரண்டு விரல் நீட்டி

ஒன்றைத் தொடு

எனும் போதெல்லாம்,

தொடும் விரலில்

வைத்திருக்கிறாய்

ஆச்சரியங்களை.!


😍

எந்த நாயகியும்
சொல்லாதவிதத்தில்,

எந்த காட்சியிலும்
வராத இடத்தில்,

எந்த ஒளிச்சுருளும்
பதியாத சூழலில்

உன்னிடம் சொல்லவேண்டும்

என் காதலை.!


😍

காதல் சொல்லிய
நாட்களிலிருந்து கணக்கிட்டால்,

ஒன்றரை வயதுக் குழந்தை நீ.!


😍

பனிபடர்ந்த சிமெண்ட் தரையில்
காலடியாய்த் தொடருகிறாய்.!


😍

நீ உடுத்திய சட்டையில்
வியர்வையாய்ப் பூத்திருக்கிறேன்.!


😍

நீ புரண்டு படுக்கும் போதெல்லாம்,
உருண்டு விழுகிறது என் இதயம்.! ❤