☔ மறைவாய் சொன்ன கதைகள். ☔

☔
பேய் மழை பெய்து கொண்டிருக்கிறது.

ஒரு குடையில் ஒதுங்கி நிற்கிறோம்.

தேவதை மழை பெய்வதாக கூறுகிறாய்...

றெக்கைகள் முளைக்கிறது என் விலாப்புறம்....!!

☔
விட்டு விட்டுப்பெய்கிறது
விடாது பெய்கிறது
விடியல் வரை பெய்கிறது
மழை போல் உன் நினைவு..!

☔
உனக்கும் எனக்குமான
ஒற்றை முகவரி இட்ட கடிதத்தை
ஊரெல்லாம் அஞ்சல் செய்கிறது

இந்த மழை...!

☔
இந்த மழை நாள்
பின்வாசல் தாழ்வாரத்தில்
நாய்க்குட்டி போல்
சோம்பிக்கிடக்கிறது,

இன்னுமிருக்கிறது

முன் பனியும்
பின் பனியும்...  😜😜😜

☔
வெதுவெதுப்பான
தேனீர் கோப்பையை
உள்ளங்கையில் வைத்து
சூடேற்றிக்கொண்டிருக்கிறேன்...

சரி..,

நீ என்ன செய்து கொண்டிருக்கிறாய்..??

☔
வள்ளுவன் சொன்ன
ஊடல் உவகையயும்

குறுந்தொகையின் தலைவிகூற்றையும்

பாரதியின் கண்ணன் பாட்டையும்

கதையாய் சொல்கிறது

மறைவாய் இந்த மழை..!

☔☔☔☔☔☔☔☔☔☔☔